Ezr 7 | ZomZIV | STEP | Hih teng khit ciang Persia kumpipa Artaxerxes in a uk laitakin Seraiah tapa Ezra, Azariah tapa Seraiah, Hilkiah tapa Azariah,

a Ezr 8:1

b Tp 33:10

d Eze 26:7; Da 23:7

e Est 1:14

f Ezr 6:4

k Ezr 6:10

l 1Kh 29:12; Ezr 5:5

Ezra 7

Jerusalem ah Ezra Pai

1 Hih teng khit ciang Persia kumpipa Artaxerxes in a uk laitakin Seraiah tapa Ezra, Azariah tapa Seraiah, Hilkiah tapa Azariah, 2 Shallum tapa Hilkiah, Zadok tapa Shallum, Ahitub tapa Zadok, 3 Amariah tapa Ahitub, Azariah tapa Amariah, Meraioth tapa Azariah, 4 Zerahiah tapa Meraioth, Uzzi tapa Zerahiah, Bukki tapa Uzzi, 5 Abishua tapa Bukki, Phinehas tapa Abishua, Eleazar tapa Phinehas, siampi makai Aaron Eleazar- 6 hih Ezra pen Babylon pana paito ahi hi. Amah, TOPA Israel Pasian in a piaksa Moses Thukham a thei mahmah sia khat ahi hi. TOPA ama Pasian khut in amah ompih ahi manin a nget khempeuh kumpipa in a pia hi. 7 Kumpi Artaxerxes in a uk a kum sagihna kumin Israel-te pawlkhat, siampite, Levi-te, lasate, kongpi cingte le biakinnpi nasemte tawh Jerusalem ah a paito khawm uh hi. ^a

8 Kumpipa uk a kum sagihna kum, a kha ngana-in Jerusalem ah Ezra a tung hi. 9 A kha masapen a ni masapen ni-in Babylon panin khualzin kipankhia-a a hoih ama Pasian khutin ompih ahi manin a kha ngana a ni masapen ni-in Jerusalem ah a tung hi. 10 Ahang in, TOPA Thukham sin ding, tang ding, ama thukipte le thukhamte Israel-te laka hilh dingin amah a kipia khin zo hi. ^b

Ezra tunga Kumpi Artaxerxes Laikhak

11 Israel-te adingin TOPA thupiakte le thukipte tawh kisai a, laisiampa siampi Ezra - siapa tungah Kumpi Artaxerxes in a laikhak hih ahi hi:

12 ^{▼▼7.12 Ezra bupi 7:12-26 Aram kam ahi hi.} Artaxerxes, kumpite’ kumpipa, ^d

Siampi Ezra, vantung Pasian Thukham siapa tungah:

Kong hopih hi.

13 Tu-in ka kumpi gam sungah om Israel-te, siampite, Levi-te zong a ut peuhpeuh, Jerusalem a nang hong zui nuamte a pai theih nading uh thukip ka pia hi. 14 Kumpipa le ama thudot mi sagihte in na khut sunga om na Pasian Thukham tawh kisai-in Judah le Jerusalem a thupiang kan dingin nang kong sawl uh hi. 15 Tua banah Jerusalem a teng kumpipa le a thudotte in Israel Pasian tungah utthu-a a piak uh ngun le khamte tawh gawmin puak unla, 16 Babylon gamkhen pana kingah ngun le khamte khempeuh leh mite le siampite in Jerusalem a amau Pasian biakinnpi dinga utthu-a a piakte uh tawh gawmkhawm un. 17 Hih sumte tawh Jerusalem a note Pasian biakinnpi-a biakna-tau ah piak dingin bawngtalte, tuutalte le tuuno apate, an-a biaknate le dawntheih-a biakna bekin na zang ding uh hi. ^e
18 A val lai ngun le khamte note Pasian deih bangin nang le na sanggam Jew-te in a hoih pen dinga na ngaihsut bangun na hih ding uh hi. 19 Na Pasian biakinnpi sunga biak nadingin nang tunga hong kipia sawn vanzatte khempeuh Jerusalem a Pasian tungah pia in. 20 Tuateh na Pasian biakinnpi dinga kisam dang khatpeuh piak nop na neih leh kumpi sumkholna panin na zang thei ding hi. ^f
21 Tu-in kumpipa keimah Artaxerxes in Euphrates-Gal gama sumkem khempeuh tungah siampi Ezra, vantung Pasian Thukham, siapa in no tungah hong nget peuhpeuh - 22 ngun talent ^{▼▼7.22 Tua in, ton 3 3/4 bang (metric ton 3.4 bang)} zakhat ciang, mangbuh cor ^{▼▼7.22 Tua in, seng 600 bang hi thei (kilolitre 22 bang)} zakhat ciang, lenggahzu bath ^{▼▼7.22 Tua in, gallon 600 bang hi thei (kilolitre 2.2 bang)} zakhat ciang, olive thau bath ^{▼▼7.22 Tua in, gallon 600 bang hi thei (kilolitre 2.2 bang)} zakhat ciang le ci a deih zahzah hong sik nadingun thu ka pia hi. 23 Vantung Pasian biakinnpi dingin vantung Pasian deih zahzah kihih ta hen. Bang hangin kumpipa le a tapate gam tungah thangpaihna tung zenzen ding ahi hiam? 24 Note in siampite, Levi-te, lasate, kongpi cingte, biakinnpi nasemte le hih Pasian inn a nasem dangte tungah siah, mangmu le a sap peuhpeuh lak nading thu na neih loh lam uh zong kong theisak hi. ^k
25 Tuateh nang Ezra in nangma neihsa na Pasian pilna tawh kizui-in, Euphrates-Gal a om mite na Pasian thukham a thei khempeuh, thutanga a uk ding thu vaihawmte le thukhente seh in. A thei lote na hilh ding hi. 26 Na Pasian thukham le kumpipa thukham a mang lo peuhpeuh sihna, hawlkhiatna, neihsa matsakna ahikeh thong kiatsakna dan kithuaksak pelmawh ding hi.

27 Jerusalem a TOPA’ inn a kizahtak theih nadingin hih banga kumpipa lungsim a guan i pate Pasian TOPA kiphat ta hen. Amah in 28 kumpipa le a thudotte le a vanglian kumpipa uliante mai-ah ama angvanna hoih kei hong ngahsak hi. Bang hang hiam cih leh TOPA ka Pasian khut in kei hong ompih ahi manin ka lungsim thakhauh a, Israel panin kei hong zui ding makai ka khawm hi. ^l